Comhairliúchán
Comhairliúchán Poiblí: Dréacht-Tosaíochtaí Straitéiseacha 2027–2029
Dáta Deiridh Comhairliúcháin: Dé hAoine 18 Meán Fómhair (meán lae)
Tá An Coimisiún Toghcháin ag lorg ionchur ó pháirtithe leasmhara agus ón bpobal maidir lena dhréacht-Tosaíochtaí Straitéiseacha le haghaidh 2027–2029, a chuirfidh eolas agus treoir ar fáil d’obair an Choimisiúin sna blianta amach romhainn.
Níl athrú tagtha ar ár n-uaillmhian. Is í an uaillmhian atá againn ná go mbeadh Éire ina ceannaire domhanda maidir le hionracas, rannpháirtíocht agus muinín i gcúrsaí toghcháin, agus go mbeadh an leibhéal is airde rannpháirtíochta ag muintir na hÉireann in imeachtaí toghcháin — imeachtaí a aithníonn siad agus a bhfuil meas acu orthu mar imeachtaí atá cóir, saor agus neamhchlaonta.
Mar sin féin, táimid ag moladh an chaoi a gcomhlíonaimid ár dTosaíochtaí Straitéiseacha a choigeartú chun ár seirbhís a neartú, rud a chuirfidh ar ár gcumas ár n-uaillmhian a bhaint amach.
Tóg ár suirbhé gairid ceithre cheist thíos chun do thuairimí a roinnt faoi na 5 phríomhthosaíocht straitéiseacha atá molta againn mar atá liostaithe thíos.
Ár nDréacht-Tosaíochtaí Straitéiseacha
Tosaíocht Straitéiseach 1
Sláine agus éifeachtacht an chórais toghcháin agus riaracháin toghchán a fheabhsú.
Tosaíocht Straitéiseach 2
Taighde neamhspleách toghcháin a dhéanamh agus tacú leis chun bonn eolais a chur faoi athchóiriú toghchán atá bunaithe ar fhianaise.
Tosaíocht Straitéiseach 3
Feabhas a chur ar fheasacht agus eolas an phobail ar an bpróiseas daonlathach agus a rannpháirteachas leis.
Tosaíocht Straitéiseach 4
Leas an phobail a chosaint trí chomhlíonadh ceanglas rialála a chur chun cinn agus a fhorfheidhmiú trí rialáil chóir, chomhréireach agus éifeachtach.
Tosaíocht Straitéiseach 5
Cumas agus sármhaitheas eagraíochtúil a spreagadh trí scileanna, ceannaireacht agus tiomantas ár ndaoine.
Foirm Fhreagartha Chomhairliúcháin