Cinneadh Chlár na bPáirtithe Polaitíochta Páirtí Polaitíochta Cláraithe a Bhaint
10 Márta 2026 – Thug Cláraitheoir na bPáirtithe Polaitíochta fógra inniu go bhfuil sé ar intinn aige iarratas ón bpáirtí Independents 4 Change a cheadú. D’iarr an páirtí go ndéanfaí a chlárú i gClár na bPáirtithe Polaitíochta a chur ar ceal.
Tá an páirtí Independents 4 Change ar an gClár ó mhí Aibreáin 2014 nuair a cláraíodh é ar dtús mar Independents for Equality Movement. D’athraigh an páirtí a ainm in 2015 go Independents4Change.
Faoi réir tréimhse 21 lá le haghaidh aon achomharc féideartha in aghaidh an chinnidh seo, ní bheidh an páirtí incháilithe a thuilleadh chun iarrthóirí a chur chun cinn i dtoghcháin Dála, Eorpacha ná áitiúla na hÉireann.
Má dheimhnítear cealú chlárú an pháirtí Independents 4 Change (faoi réir aon achomhairc), beidh 29 páirtí polaitíochta cláraithe sa Stát ansin.
Tá fógra foirmiúil faoin gcinneadh seo ó Chláraitheoir na bPáirtithe Polaitíochta á fhoilsiú inniu in Iris Oifigiúil na hÉireann.
– CRÍOCH –
Tá tuilleadh eolais ar fáil ó:
Brian Dawson, an Bainisteoir Cumarsáide agus Rannpháirtíochta Poiblí,
An Coimisiún Toghcháin,
Brian.dawson@electoralcommission.ie / 086 0749344
Nóta d’Eagarthóirí:
Clárú na bpáirtithe polaitíochta
- Leagtar amach i gCaibidil 6 den Acht um Athchóiriú Toghcháin, 2022 feidhm an Choimisiúin Toghcháin i leith clárú páirtithe polaitíochta.
- Is é Príomhfheidhmeannach an Choimisiúin Toghcháin, Art O’Leary, Cláraitheoir na bPáirtithe Polaitíochta.
- Is féidir le páirtithe iarratas a dhéanamh ar chlárú mar pháirtí atá eagraithe sa Stát chun seasamh i dtoghcháin Dála, Eorpacha nó áitiúla. Ní mór dóibh na critéir atá leagtha amach sa reachtaíocht a chomhlíonadh chun go gclárófar iad.
- Tá tuilleadh eolais faoin bpróiseas clárúcháin, agus na foirmeacha iarratais riachtanacha ar fáil ar shuíomh gréasáin an Choimisiúin ag https://www.electoralcommission.ie/ga/cad-a-dheanaimid/oibriochtai-toghchain/