Incháilitheacht vótálaithe

Chun vóta a chaitheamh i dtoghchán ar bith, caithfidh tú a bheith incháilithe le vótáil.

Caithfidh tú a bheith:

• 18 mbliana d’aois nó níos sine ar lá na vótála
• I do chónaí in Éirinn
• Cláraithe le vóta a chaitheamh

Fiú má tá tú incháilithe le vótáil, ní féidir leat vóta a chaitheamh mura bhfuil tú cláraithe ar Chlár na dToghthóirí. 

Tá aon duine a bhfuil gnáthchónaí orthu sa Stát i dteideal clárú ar Chlár na dToghthóirí. Ní gá duit a bheith i do Shaoránach Éireannach chun vóta a chaitheamh i dtoghchán áitiúil.

Chun vóta a chaitheamh i dtoghchán áitiúil, caithfidh tú a bheith:

• Os cionn 18 mbliana d’aois
• I do chónaí sa toghlimistéar áitiúil
• Ar liosta Chlár na dToghthóirí

Is féidir le gach saoránach Éireannach atá os cionn 18 mbliana d’aois vóta a chaitheamh i dtoghchán na hEorpa. Más saoránach Éireannach thú, ach tá tú i do chónaí i dtír eile an AE, is féidir leat do vóta a chaitheamh sa tír sin.

Más as ballstát eile den Aontas Eorpach thú, ach tá tú i do chónaí in Éirinn, is féidir leat do vóta a chaitheamh i dtoghchán na hEorpa anseo in Éirinn. Chun é sin a dhéanamh, ní mór do d’ainm a bheith ar chlár na dtoghthóirí.

Más saoránach an AE thú, ach níl tú cláraithe chun vóta a chaitheamh ag toghchán na hEorpa roimhe seo in Éirinn, ní mór duit iarratas a chur isteach ar chlárú agus foirm dhearbhúcháin reachtúil, EP1 (ar fáil ó d’údarás áitiúil) a chur i gcrích. Seoltar na dearbhúcháin reachtúla chuig do Bhallstát baile chun vótáil dhúblach a sheachaint.

Ní féidir leat vóta a chaitheamh i dtoghchán na hEorpa i níos mó ná toghcheantar ná tír amháin.

Is féidir leat vóta a chaitheamh in olltoghchán:

• Más saoránach Éireannach nó Briotanach thú
• Más cónaitheoir in Éirinn thú
• Má tá tú 18 mbliana d’aois nó níos sine ar lá na vótála
• Má tá tú cláraithe le vótáil

Is féidir vóta a chaitheamh i reifreann má tá tú:

• • I do shaoránach Éireannach
• Ar Chlár na dToghthóirí, ar Liosta na bPostvótálaithe nó ar Liosta na Vótálaithe Speisialta
• 18 mbliana d’aois nó níos sine ar lá na vótála

Chun vóta a chaitheamh i dtoghchán na huachtaránachta, ní mór duit a bheith:

• I do Shaoránach Éireannach
• 18 mbliana d’aois nó níos sine
• I do chónaí go hiondúil in Éirinn
• Má tá tú cláraithe le vótáil

Chun vóta a chaitheamh i dtoghcháin an tSeanaid, ní mór duit a bheith mar shaoránach Éireannach atá mar:

• Chéimí Ollscoil na hÉirean (nó coláiste atá aitheanta ag OÉ)
• Chéimí Choláiste na Tríonóide
• Teachta Dála or TD
• Sheanadóir atá ag dul as oifig
• Chomhalta chomhairle contae nó cathrach (comhairleoir)

Má tá tú incháilithe, is féidir leat vóta a chaitheamh i dtoghlaigh OÉ agus Choláiste na Tríonóide, fiú más rud é go bhfuil tú cláraithe lasmuigh d’Éirinn.

Chun vóta a chaitheamh sa toghchán le haghaidh Mhéara Luimnigh, caithfidh tú:

• A bheith 18 mbliana d’aois nó níos sine ar lá na vótála
• Gnáth-chónaí a bheith ort sa Stát; agus
• A bheith cláraithe le vóta a chaitheamh i dToghlimistéir Chathair agus Chontae Luimnigh